مرحبا بكم
موقع ام مروان يقدم لكم سندويش بالطوسط
طريقة تحضير سندويش بالطوسط
ساندويتش الطوسط
مقادير سندويش الطوسط
طوسط
صدر الدجاج
فلفلة خضرا و حمرا
بصلة
بيض مسلوق
مايونيز
زيتون اخضر مقطع
فرماج الساندويتش
فرماج احمر
طريقة تحضير سندويش بالطوسط
نقطع الفلفلة الخضرا و الحمرا لقطع صغيرة و رقيقة و نشحرهم فشوية الزيت مع الملح و شوية ابزار
كذلك البصلة نقطعها قطع صغار ونشحرها فشوية زيت و الملح حتى تذبل
ملي طيب نحيدوها و فنفس الزيت نشحر صدر الدجاج اللي قطعناه حتى هو صغير مع التوابل و المعدنوس مقطع
وفي نفس الوقت نسلق البيض
وناخد مقلة على البوطة و نحمر فيها شوية الطوسط من الجوانب ب2
هنا وجدنا كلشي
ناخد 1 طوسط ندهنها بالمايونيز و نحط فوقها الدجاج
نحط فوقها 1 طوسط اخرى ندير عليها فرماج ساندويتش + بصلة+ بيض مصلوق
نحط 1 طوسط اخرى عليها فرماج الساندويتش+ فلفلة + زيتون اخضر
نحط اخر طبقة من الطوسط ندهنها بالمايونيز و نحك فوقها فرماج احمر + رشيشة من السودانية -اختياري-
حطيتهم فطبق يدخل للفرن و ندخلها واحد 5 حتى 10 دقائق على مايذوب الفرماج
وها السندويش واجد كيجي بنين بنين
البطاطا مقلية
المقادير
بطاطا حمرا
نص كاس دقيق
ثوم بودرة
ملح
زعتر
خرقوم
تحميرة
1 م ص خمارة
معدنوس مقطع
الماء
-ضاعفو المقادير يلا درتو بطاطا كثيرة-
الطريقة
نخلط الدقيق مع الثوم و التوابل و المعدنوس و الخمارة و الزعتر
و نجمع الكل بالماء حتى نحصل على عجين ماثقيل ما خفيف
نقطع البطاطا و نخويها وسط الخليط
نغطي الكل ونخليه 10 دقائق
ونبدا نقلي ,ملي تبغيو تهزوها تقليوها هزو بالمغرف اللي كتصفي باش الزائد د العجين ينزل
وهاهي واجدة حتى هي كتجي لذيذة
جزاك الله خيرا اختي الفاضلة
ردحذفامين وشكرا على اهتمامكم
ردحذف