راس الغنم والحمص موفوق بالروز لذيذ بالصور

مرحبا بكم
موقع ام مروان يقدم لكم راس الغنم والحمص مرفوق بالروز
مقادير وطريقة تحضير راس الغنم والحمص
 
مقادير راس الغنم والحمص
رأس غنم مشوط و مغسول مزيان ومقطع ( أنا الراس لي ستعملت كان مسلوخ هكا كيبعوه عدنا هنا )
زلافة كبيرة حمص ( منقوع في الماء ليلة كاملة )
2 بصلات متوسطة الحجم مشنفين
1 زلافة صغيرة روز
1 م ك تومة محكوكة
قليل من السودانية مطحونة
ملح
إبزار
سكنجبير
كامون
تحميرة
خرقوم
زعفران شعرة
زيت الزيتون
زيت المائدة
طريقة تحضير راس الغنم والحمص بالصور
في كوكوط كنشحرو الراس مع البصل و الثوم و الزيت و الملح و العطرية 

من بعد تنضيف الحمص 
 
و تنمرقو الكوكوط بالماء الكافي و تنسد عليها و نديرو صفارة و نخليواه يطيب على عفية متوسطة 
 
منين كطيب كنقصو 2 زلايف صغار من مرق ديال الراس تنغسلو الروز بالماء و كنصفيواه من الماء 

و كنزيدو عليه المرق لي حتفضنا بيه من قبل ( 1 زلافة ديال الروز + 2 زلايف ديال المرق ) العبار بنفس الزلافة و قليل من الملح و العطرية نغطيو الروز و نقصو لعافية ونخليوه يطيب على نار مهيلة حتى ينضج و ينشف من المرق 

تنقليو الراس من المرق حتى تدغمر شوية و تنقدمه مرفوق بالروز بالصحة و العافية