صباغة طبيعية لون بني غامق وصفة مجربة

مرحبا بكم 

موقع أم مروان يقدم لكم

صباغة طبيعية لون بني غامق وصفة  مجربة

أولا الصباغة للشعر البني الغامق

5 دراهم بابونج
5 دراهم كركديه
3 دراهم أوراق الكركاع
3 دراهم قشور الرمان



3 دراهم سالمية



3 دراهم رميمينة
3 دراهم ريحان


5 حبات العفصة تدير درهم للوحدة
3 معالق كبار أتاي حبوب
2 معالق كبار حنة


2 معالق خل التفاح




كلشي موجود عند العطار
قشور الدنجال





الطريقة

أول شيء غادي طحني كل حاجة بوحدها بعدما تشمشيها
غادي تاخذي من كل حاجة معلقة ونص مع قشور الدنجال
وتعمليهم مع 2 كيسان الماء وتخليهم يغلاو فوق نار
مهيلة حتى يطلقوا مزيان ويبقى عندنا قياس نص كاس
مركز نغليو أتاي في كاس كبير الماء ونخليوه حتى يولي
عندنا نص المقدار ديال الماء 

 
من بعد نضيفوا المواد الي بقات عندنا غبرة نضيفو لها الحنة
ثم نخلطوها بالماء المركز الأول والخل وأتاي ونضيفو معلقة
زيت الزيتون ونمشطوا شعرنا ونبداو من الجدر الى الأطراف
ونخليوه حتى تقريبا يتماسك فوق الشعر ونغطيوه بالبوني
ونخليوه 4 حتى 5 ساعات ومن بعد نغسلوه ولكن
بلا شمبوان فقط بالغاسول المسقي الي تكوني
مصاوباه ودابا وقتو مع الصيف تصاوبي للعام
كامل ومن بعد تغسلي شعرك تخليه حتى ينشف
وترشيه بمحلول الريحان وتخليه حتى ينشف
وذهنيه ودوري لو الباتشا وبالصحة والراحة خاصك
تكرريها 2 حتى 3 مرات في الأسبوع باش تعطيك اللون
المطلوب ومن بعد تبقاي ديريها كل أسبوع باش دائما
يبقى الشيب مغطي بصفة دائمة ان شاء الله
وهكذا تكوني حصلت على نتيجة جد مرضية
وتقولي وداعا للشيب وللتكراد والحروشية
وتحصلي على شعر بني غامق و صحي
ويتوقف التساقط ويرطاب ويتقوى
وبالصحة والراحة