كاليط بالعسل لذيذ بالصور

مرحبا بكم 
موقع ام مروان يقدم لكم كاليط بالعسل 

مقادير وطريقة تحضير كاليط بالعسل بالصور
 

مقادير الكاليط بالعسل بالصور
 
7 بيضات كبار
زلافة سكر
زلافة زيت
5 خمارات حمراء
حامضة محكوكة
3صفار بيض للدهن
كاس صغير عسل
الفورص حسب الحاجة
ملاحظة...  انا نستعمل 10 ديال البيضات كنفقسهم كاملين في قصعة ونحيد منهم 3 صفار بيض ونخليهم جانبا للدهن بعد ما نزيد عليهم شوية حليب او خل
طريقة تحضير كاليط بالعسل بالصور 
نخلطو جميع المقادير

 ونضيفو الدقيق غي بشوية 

مابين كيلو حتى كيلو ونصف المهم تبقى العجينة رخوة او بمعنى اخر جارية وتلتصق باليد 
 
ممكن نصبرو على الخليط واحد 10 دقائق باش العجينة تشرب مزيان ويسهال علينا التعامل معاها نغسلو يدينا ونعاودو ندهنوهم بالزيت ونستفو القرص متباعدة في المول المدهون بالزيت والمرشوش بالدقيق

 وندهنوهم باصفر البيض ونطيبوهم على نار مهيلة غي واحد 2 دقائق في الطبقة الفوقانية ثم نزلوهم للطبقة السفلى باش يتحمرو
 

هاهو الكاليط بالعسل واجد