مرحبا بكم
موقع ام مروان يقدم لكم بسطيلة بالدجاج بطريقة جديدة ورائعة
مكونات وطريقة تحضير البسطيلة بالدجاج
بسطيلة بالدجاج في غاية اللذة بالصور
كيفية عمل بسطيلة بالدجاج
من طرف امة الله
من طرف امة الله
مقادير البسطيلة بالدجاج بطريقة جديدة بالصور
ورقة البسطيلة+دجاجة من وزن 1.5 أو 2 كيلو+علبة صغيرة شومبينيون (نغسلوه مزيان)+2 بصلات كبار مشلضة رقيقة +2 ضروس ثوم مدقوقة +3 ضروس صحيحة +2 خيزوات كبار محكوك +فلفلة حمرا مقطعة+كيس شعرية صينية
100غ موزريلا+صبيعات السوريمي+سوريمي بنكهة الكروفيت
شوربة السمك هي سر النكهة +معلقة كبيرة مطيشة الحك+الهريسة+وريقات سيدنا موسى +عود القرفة+القرنفل+حبات الهيل+كنور بنكهة الحوت
التوابل : ملح -ابزار ابيض-تحميرة +زيت الزيتون+معدنوس مقطع +الحامض +عصير حامض+زيتون اخضر مقطع +كاشير حار محكوك +مورتديلا بنكهة الفلفه محكوكة
ملاحظة : بالنسبة للتوابل نديرو عينا ميزانا وضروري ندوقو لا يجي حار ولا مالح
طريقة تحضير بسطيلة بالدجاج بطريقة جديدة بالصور
نديرو نصف كنورة +عصير حامض +زيت الزيتون+توابل ونشرملو بهم الدجاج
على الاقل ساعة
كنسلقو الدجاج في عود القرفة+قرنفل+عويدات المعدنوس+حامض مصير +توابل+ضروس ثوم صحيحة+وريقات سيدنا موسى+حبات الهيل
ونحتفظ بمرق الدجاج لي غادي نطلقو فيه من بعد شعرية صينية
منين يطيب الدجاج نفرتتوه ونحتفظ بيه
نشحرو البصلة والثومة مدقوقة فشوية زيت الزيتون والملح
حتى تنشف و نحتفظو بها
نشحرخيزو فشوية زيت زيتون والملح ونفس الطريقة للفلفلة الحمرا و نحتفظ بهم
نشحر الشومبينون + المعدنوس فشوية زيت زيتون والملح
و نحتفظو به
نقطعو صبيعات السوريمي و سوريمي الكروفيت ونشحرهم فشوية زيت الزيتون
والهريسة
مانقطعو هادشي حتى نبغيو نخلطو كلشي و بالنسبة للكاشير منحكوه حتى نبغيو نخلطو
كنغربل شوربة السمك ونحتفظ بالبودرة
نطلق الشعرية الصينية فالماء ديال الدجاج غليان و نقطعها بالمقص
ناخذ 2معالق من البودرة+ زيت زيتون + الهريسة+معدنوس+توابل
ونشرمل بها البصلة+الفلفة +الخيزو+ الشعرية +الشومبينون ونخلط مزيان
ناخذ 2معالق من البودرة+ زيت زيتون + الهريسة+معدنوس+توابل+مطيشة الحك
ونشحرهم غير شوية ونشرملو بها الدجاج مزيان ونزيدوه على خليط الشعرية
نضيف الموزريلا+السوريمي+الزيتون +الكاشير ومورتديلا
ونخلطو مزيان
نطويو البسطيلة بالشكل لي بغيتيو وندخلو البسطيلة بالدجاج طيب ونزوقوها على حسب الرغبة
ونقدمو البسطيلة بالدجاج بنكهة الحوت
هاهي البسطيلة بالدجاج منين طابت
BSTILA BDJAJ
ما شاء الله اختي جربتها طلعة غزالة. لهلا يخطيك. الله افتح ﻋﻠﻴﻚ
ردحذف