طورطة باربي لاعياد الميلاد منظر ومذاق رائعين خطوة خطوة بالصور

مرحبا بكم

موقع ام مروان يقدم لكم طورطة باربي لاعياد الميلاد

مقادير وطريقة تحضير طورطة باربي

طريقة اعداد طورطة باربي

طورطة باربي لاعياد الميلاد بالصور

مقادير طورطة باربي
مقادير الجنواز 

  6 بيضات + 180 غ سكر + 180 غ دقيق مغربل + 1 فاني ( أنا عملت 2 جينواز بيضا و 1 بالكاكاو )
الجينواز لي فيها الكاكاو نفس المقاديرديال الفاني و كنحيد 40 غ من الدقيق ونعوضو بالكاكاو ( شكلاط غبرة مسوس )
سيرو باش نسقي الكيك ( أنا سقيت بسيرو الخوخ المعلب ) ممكن ديري أي سيرو كتفضليه
خوخ معلب مقطع مكعبات صغيرة
كريم فريش
باسطا أو ورق التزيين كل واحد شنو كيسميها
شوية نباج مخفف بشوية د الما غير شوية ماشي بزاف
شوية ملون أحمر
عقيق فضي وزهري

طريقة تحضير طورطة باربي 
طريقة تحضير للجينواز : نطرب البيض مزيان مع السكر والفاني حتى يتضاعف حجمهم 3 مرات ويبياض لونو

  

 كنديرو الدقيق شوية بشوية ونخلط بملعقة خشبية من لتحت لفوق باش نحافض على الهوا لي فالبيض

نغلف المول أو الصينية بورق السولفيريزي ونطيبها على حرارة 180°على حساب الفران

   

ها الجينواز طايبة

كنقلبها فوق سولفيريزي آخر ونحيد ليها لي طابت فيه ونخليها تبرد مزيان

هادي الجينواز بالفاني

 كنديرو الطبقة الاولى ديال جينواز الفاني ونسقيوها مزيان بالسيرو ونديرو عليها طبقة كثيفة من الكريمة وطريفات ديال الخوخ   

الطبقة الأخيرة سقيتها مزيان بالسيرو

نزلت عليها جنواز الكاكاو ونكررو نفس العملية

والطبقة الخيرة نسقيوها بالسيرو

باش نقاد الكيك من لفوق نديرو فوقو بلاطو باش تجي مقادة 

كنديرو الكريمة من الفوق ومن جناب

ندهن الباسطا بالناباج مخلط مع شوية الماء

 

نديرها وسط الطورطة ملفوق

     ندهنها بالناباج ملفوق

 اوكنبداو نزوقو بالكريمة كما في الصور

 هاهي طورطة باربي واجدة